မြန်မာ​ပြည်​မှ က​မ္ဘာ့​အမြင့်​ဆုံး မြင်း​ခုံ​တံတား (ဂုတ်​ထိပ်​တံတား)

Myanmarဂုတ်​ထိပ်​တံတား (Goteik viaduct) အမည်​ရ တောင်​ကြား​ဖြတ် မီးရထား သံ​လမ်း တံတား ရဲ့ တည်​နေရာ​ကတော့ ရှမ်းပြည်နယ် အနောက်​ပိုင်း နောင် ချို​မြို့​အနီး​မှာ ဖြစ်​ပါ​တယ်။

အတိ​အကျ​အား​ဖြင့် မန္တလေး-လား ​ရှိုး​လမ်း၊ နောင်​ချို​ဘူ​တာ​အလွန် ​၇​မိုင်​အ​ကွာ​တွင် တည်​ရှိ​ပါ​တယ်။ ပြင်ဦးလွင် နဲ့ လားရှိုး မြို့​နှစ်​ခု​ကြား​က တံတား​လို့​လည်း နိုင်ငံ​ခြား​သား​များ​က အ​လွယ်​မှတ်ထား​ပါ​တယ်။

မြင်း​ခုံ​တံတား​ဆိုလို မြင်း​တွေ​ခုံ​တယ်​လို့ ဘာသာ​ပြန်​ရန်​မဟုတ်​ပါ။ The world largest trestle လို့ အသိ​မှတ်​ပြု​ထား​တဲ့ တံ​တာ​ဖြစ်​ပြီး Trestle ဆို​တာ စ​တီး၊ သံမဏိ၊ သံချောင်း​များ​ဖြင့် ထောက်ခံ​ထား​သော တံတား​လို့ လွယ်​လွယ်ကူ​ကူ ဘာသာ​ပြန်​နိုင်​ပါ​တယ်။ မြန်မာ​အခေါ် ကတော့ မြင်း​ခုံ ဖြစ် ပါ​တယ်။

​၁​၈​၉​၉ ခု​နှစ်​က တည်ဆောက်​ပြီး ​၁​၉​၀​၀ ခု​နှစ်​မှာ ပြီးစီး​ခဲ့​ပါ​တယ်။ အသုံးပြု​တာ​ကတော့ ​၁​၉​၀​၃ ခု​နှစ်​ရောက်​မှ စတင်​တယ်​လို့ မြန်​မာ့​စွယ်စုံ ကျမ်း​မှာ ဖော်​ပြ​ထား​ပါ​တယ်။ ဗြိတိသျှ ကို​လို​နီ​တို့ တည်ဆောက်​ပေး ခဲ့​တယ်​လို့ အကျ​မ်း​ဖျင်း​မှတ်ယူ​ပေ​မယ့် တာဝန်​ယူတ​ည်​ဆောက်​တာ​ကတော့ ဗ​မာ့​မီးရထားလမ်း​ကု​မ္မ​ဏီ (Burma Railroad Company) ဖြစ်​ပါ​တယ်။ ယင်း​ကု​မ္မ​ဏီ​မှာ ​ဗြ​တိ​သျှ၊ မြန်မာ အင်​ဂျင်​နေ​ယာ​များ ပါဝင်​ပါ​တယ်။ ဦးဆောင်​တည်ဆောက်​သူ​ကတော့ Sir Arthur Rendel ဖြစ်​ပါ​တယ်။ အသုံးပြု​တဲ့ အစိတ်​အပိုင်း​များ​ကို​တော့ အမေ​ရိ​ကန်​မှ တိုက်ရိုက် မှာ​ယူထား​ခြင်း ဖြစ်​ပါ​တယ်။

တံတား​အရှည် ​၂​၂​၆​၀​ပေ၊ တံတား​အောက်​ခြေ​မှ အမြင့် ပေ ​၁​၁​၀​၀ ရှိ​ပြီး ပေ ​၃​၀​၀ ကျော်​မတ်စောက်​သော လျှို​ကြီး​နှစ်​ဖက်​ကို ဖြတ်​ကျော်​တည်ဆောက် ထား​ခြင်း ဖြစ်​ပါ​တယ်။ ရှမ်း​ဘာသာ​အခေါ် ငုပ်​ထိပ်​တံတား​မှ ဂုတ်​ထိပ်​ဟူ၍ အမည်တွင်​လာ​ခဲ့​သော တံတား​ဖြစ်​သည်။

ယင်း​တံတား​ကို တည်ဆောက်​သည့် နည်း​ပညာ အဆင့်​မြင့်​မှု​နှင့် သ​ဘာ​ဝ​ပတ်ဝန်းကျင်​လှပ​မှု​တို့​ကြောင့် ခေတ်​အဆက်ဆက် ထင်ရှား​ကျော်​ကြား​လာ​သော တံတား​ဖြစ်​ပြီး က​မ္ဘာ့​အံ့ဖွယ်​စာရင်း​များ​တွင် ပါဝင်​ခဲ့​သည်။

ယနေ့​တိုင်​ထိ​လည်း မြန်မာ​ပြည်​၏ အမြင့်​ဆုံး တံတား၊ က​မ္ဘာ့​အကြီး​ဆုံး မီးရထား​သံ​လမ်း တံတား (မြင်း​ခုံ​တံတား) ဟု မှတ်​ကျောက်​တင် ဆဲ ဖြစ်​ကြော​င်း သိ​ရ​ပါ​တယ်။

ခေတ်​အဆက်ဆက် ပျက်​ဆီး​ယိုယွင်း​မှု​များ​ကို ထိန်းသိမ်း​လာ​ခဲ့​ခြင်း​ကြောင့် ယနေ့​တိုင် တည်​ရှိ​နေ​ဆဲ​ဖြစ်​သည့် Goteick viaduct သည် ကမ္ဘာ​လှည့်​ခရီးသည်​များ​၏ စိတ်ဝင်စား​ဖွယ်၊ သွား​ရောက်​လေ့​လာ​ဖွယ် နေရာ​တစ်​ခု ဖြစ်​ကြော​င်း သိ​ရ​ပါ​တယ်။
---
အသေး​စိတ်​လေ့​လာ​ရန်-
http://en.wikipedia.org/wiki/Goteik_viaduct#cite_note-1

    အောင်​ခ​မ်း ( ရိုးရာ​လေး )