မာရ်နတ်

မာရ်နတ်
☆☆☆☆☆

​၁-မာရ်ငါးပါး​ဆို​တာ မာရ်နတ်​ငါး​ယောက်​ကို​ပြော​တာ​လား ??
​၂-ဘုရား​မ​ရှိ​တော့​ပေ​မယ့် သိကြားမင်း​တို့​နတ်ပြည်​ကို
ဘာ​လို့​သွား​မ​သိမ်း​လဲ ??

​၃-ဘိက္ခု​နီ​သာသနာ​ကို​ကျ​တော့ ဘာ​လို့ မ​နှောက်​ယှက်​ခဲ့​တာ​လဲ ??

​၄-ဘုရား​ကို ပရိနိဗ္ဗာန်စံ​ခိုင်း​တာ မာရ်နတ်​အကြီး​မဟုတ်​ဘူး​လို့​ဆို​တယ်၊
မာရ်နတ်​သေး​သေး​လေး​တဲ့​မာရ်နတ်​ကြီး​က​သာ​စံ​ခိုင်း​ရင်​ချက်ချင်း​စံ​ရ​မှာ​ဆို​တာ​ဟုတ်​လား ??
​၅-မာရ်နတ် ခိုင်း​လို့ ပရိနိဗ္ဗာန်​ပြု​တာ​လား၊ ဝက်သား​စား​လို့​လား ??
​၆-မာရ်နတ်​အခု​ဘယ်​မှာ​လဲ ??
​၇-မာရ်နတ်​ကို နှောင့်​ယှက်​လို့​မ​ရအောင် ဘုရား​က​ဘာ​လို့ တန်ခိုး​နဲ့ မ​တား​လဲ ??
​၈-ရှင်​ဥ​ပ​ဂုတ်​ကမာ​ရ်​နတ်​ကို ဆုံးမ​တယ်​ဆို​တာ ဟုတ်​လား ??
မာရ်​ရဲ့​အကြောင်း​လေး အရ​င်​ရှင်း​ရအောင် မာရ်​ဆို​တာ မာ​ရ​ဆို​တဲ့ ပါဠိ​က​နေ​လာ​တာ မာ​ရ​ဆို​တာ သေ​ခြင်း၊ သေ​စေ​ခြင်း​လို့ အ​ဓိ​ပ္ပါ​ယ်​ရ​တယ်။
မာရ်​ဆို​တာ သေ​တတ်​တဲ့​သဘော သေ​အောင်​သတ်​တတ်​တဲ့​သဘော​ကို​ပြော​တာ။
☆☆မာရ် (၅)ပါး​ကို အကျဉ်း​လေး ပြော​ပြ​မယ်။
(၁) ကိ​လေ​သ​မာရ် (၂) ခ​န္ဓ​မာရ် (၃) မစ္စု​မာရ် (၄) အဘိ​သ​ခါ​ၤ​မာရ် (၅) ဒေ​ဝ​ပု​တ္တ​မာရ်
☆ ကိ​လေ​သ​မာရ် ဆို​တာ တစ်​ထောင့်​ငါးရာ​ကိလေသာ​တွေ​ကို​ပြော​တာ လောဘ၊ ဒေါသ၊ ဣ​ဿာ၊ မ​စ္ဆ​ရိ​ယ အစ​ရှိ​တဲ့ ကိလေသာ​တွေ​ဟာ စိတ်​ကို ပူလောင်​စေ​တတ်​တယ်၊ ညစ်နွမ်း​စေ​တတ်​တယ်၊ ပင်ပန်း​ဆင်းရဲ​အောင် နှိပ်စက်​တတ်​တယ်။
ဒီ​ကိလေသာ​တွေ ရှိ​နေ​သ​ရွေ့​ကတော့ သံသရာ​မှာ တလည်လည်​နဲ့ အ​မြဲ​သေ​နေ​ဦး​မှာ​ပဲ။
ဒီ​လို​သေ​စေ​တတ်​လို့ ကိလေသာ​ကို မာရ်​လို့​ခေါ်​တယ်။
☆ ခ​န္ဓ​မာရ် ဆို​တာ ဒီ​ခန္ဓာ ​၅​ပါး​ကို ပြော​တာ​ပဲ။ ခန္ဓာ​ရှိ​သ​ရွေ့ သေ​နေ​ဦး​မှာ​ပဲ။
ဘယ်​ခန္ဓာ​ဖြစ်​ဖြစ် သေ​နေ​ဦး​မှာ​ပဲ။
သေ​တတ်​လို့ ခန္ဓာ ​၅​ပါး​ကို မာရ်​လို့​ခေါ်​တယ်။
☆ မစ္စု​မာရ် ဆို​တာ သေ​ခြင်း​တရား​ပါ​ပဲ။ မရဏ​ကို​ပြော​တာ​ပေါ့။
သေ​တတ်​တဲ့ မစ္စု​ကို မာရ်​လို့​ခေါ်​တယ်။
☆ အဘိ​သ​ခါ​ၤ​မာရ် ဆို​တာ ကိုယ်​ပြု​ထား​တဲ့ ကုသိုလ်​ကံ၊ အကုသိုလ်​ကံ​တွေ​ကို​ပြော​တာ။
ကုသိုလ်​ကံ​ကြောင့် ကောင်း​တဲ့​ဘဝ​ရောက်​မယ်။ အကုသိုလ်​ကံ​ကြောင့် မ​ကောင်း​တဲ့​ဘဝ ရောက်​မယ်။ ဘယ်​ဘဝ​ရောက်​ရောက် သေ​မှာ​ပဲ။
သေ​စေ​တတ်​လို့ အဘိ​သ​ခါ​ၤ​ကို မာရ်​လို့ ခေါ်​တယ်။
☆ ဒေ​ဝ​ပု​တ္တ မာရ်​ဆို​တာ မာရ်နတ်​ကို ပြော​တာ။
မာရ်နတ်​ဟာ သတ္တဝါ​တွေ သံသရာ​ဝဋ်​က လွတ်​မှာ​ကြောက်​တယ်။
​၃​၁​ဘုံ ဘယ်​ကို​သွား​သွား သူ​သဘောကျ​တယ်။
လွတ်​ထွက်​သွား​မှာ​ကြောက်​လို့ လွတ်​ကြော​င်း​လုပ်​ရင် နှောင့်​ယှက်​တယ်။
မာရ်နတ် အနှောင့်​အယှက် ခံ​ရ​ရင် သံသရာ​လွတ်​ကြော​င်း မ​လုပ်​ဖြစ်​တော့​ဘူး။
​၃​၁​ဘုံ​မှာ​ပဲ ပျော်မွေ့​တော့​တယ်။ ဘယ်​ဘုံ​ဖြစ်​ဖြစ် သေ​မှာ​ပဲ။
ဒီ​လို​သေ​စေ​တတ်​လို့ ​ဒေ​ဝ​ပု​တ္တ​မာရ်နတ်​ဟာ​လည်း မာရ်​ပါ​ပဲ။
ဒီ​တော့ မာရ်ငါးပါး​ဆို​တာ​ကမာ​ရ်​နတ် ငါး​ပါး​ကို​ပြော​တာ​မဟုတ်​ပါ​ဘူး။
မာရ်နတ်​က​လည်း ငါး​ယောက်မ​က ရှိ​နေ​နိုင်​ပါ​တယ်။
ဘုရား​နဲ့​သံဃာ​တွေ​ကို နှောင့်​ယှက်​တဲ့ မာရ်နတ်​ကတော့ သူ​တစ်​ယောက်​တည်း​ပါ​ပဲ။
​၁ ရဲ့​အဖြေ ပြီး​ပါ​ပြီ။
မာရ်နတ်​ဟာ နတ်ပြည် ​၆​ထပ်​မှာ အထက်​ဆုံး နတ်ဘုံ​မှာ​နေ​တယ်။
နတ်ပြည် ​၆​ထပ်​ရဲ့ စည်းစိမ်​နဲ့ သက်​တမ်း​လေး နည်း​နည်း​ပြော​ပြ​မယ်။
☆စတုမဟာရာဇ်​နတ်ပြည်​ဆို​တာ မြင်းမိုရ်​တောင်​ရဲ့ အလယ်​မှာ​ရှိ​တယ်။
ဓ​တ​ရ​ဋ္ဌ၊ ​ဝိ​ရု​ဠှ​က၊ ​ဝိ​ရူပ​က္ခ၊ ကု​ဝေ​ရ​ဆို​တဲ့ နတ်​မင်းကြီး လေး​ပါး​က အုပ်ချုပ်​တယ်။
စတုမဟာရာဇ်​နတ်​တွေ​ဆို​တာ အလွန်​တန်ခိုးကြီး​တယ်။
သက်​တမ်း​က နှစ်​ပေါင်း ​၅​၀​၀ ရှိ​တယ်။
လူ​သက်​နဲ့​ဆို အနှစ် ​၉​သန်း​ရှိ​တယ်။
☆တာဝတိံသာ သူ့​ထက်​ပို​ပြီး​မြင့်​တယ်။ မြင်းမိုရ်​တောင်ထိပ်​မှာ ရှိ​တယ်။
သိကြားမင်း ဦး​မ​ဃ​နဲ့​တ​ကွ ​၃​၃​ယောက်​သော​နတ်​မင်းကြီး​တို့ အုပ်စိုး​တယ်။
အခေါင်​နတ်​မင်း​ကတော့ ဦး​မ​ဃ​ပဲ။ (မာဃ​မဟုတ် မ​ဃ​သာ​အမှန်)
တခြား​နတ်​မင်း​တွေ​လည်း​ရှိ​တယ်။ နတ်​သားတစ်​ယောက်​တောင်​မှ နတ်​သမီး​အခြွေအရံ
​၅​၀​၀ ခြံရံ​ပြီး ကာမဂုဏ်​ချမ်းသာ​ကို ခံစား​တယ်။
သက်​တမ်း​က နှစ်​၁​၀​၀​၀ လူ​လို​တွက်​ရင် ​၃​ကုဋေ​၆​သန်း​ရှိ​တယ်။
☆ယာမာ​က​နေ​စ​ပြီး ဘုံ​ဗိ​မာန်​တွေ​ဟာ ကောင်းကင်​ယံ​မှာ​တည်​တယ်။
ယာမာ​နတ်​တွေ​ကို ဆင်းရဲ​ခြင်း​ကင်း​သော​နတ်​တွေ​လို့​ခေါ်​တယ်။
နတ်​ချမ်းသာ​ကို​ချ​ည့် သီး​သန့်​ခံစား​တဲ့​နတ်​တွေ။
သက်​တမ်း​က နှစ် ​၂​၀​၀​၀ လူ​လို​တွက်​ရင် ​၁​၄​ကုဋေ​၄​သန်း​ရှိ​တယ်။
နတ်ဘုံ​တိုင်း​မှာ ကိုယ့် နတ်​မင်းကြီး​နဲ့​ကိုယ်​ရှိ​တယ်။
ယာမာ နတ်ပြည်​အတွက်​တော့ သု​ယာ​မန​တ်​မင်း​က အခေါင်​နတ်​မင်းကြီး​ပဲ။
☆တု​သိ​တာ​နတ်ပြည်​ဆို​တာ အလွန်​နှစ်သက်​ရွှင်လန်း​တယ်။
ဘုရားလောင်း​နဲ့ မယ်တော်​ဟောင်း​တွေ​ဒီ​ဘုံ​မှာ လာ​ဖြစ်​ကြ​တယ်။
အခေါင်​နတ်​မင်းကြီး​က သ​န္တု​ဿိ​တန​တ်​မင်းပဲ။
သက်​တမ်း​က နှစ် ​၄​၀​၀​၀ လူ​လို​ဆို ​၅​၇​ကုဋေ​၆​သန်း​ရှိ​တယ်။
☆နိမ္မာနရတိ​နတ်ပြည်​ဆို​တာ ကိုယ့်​စည်းစိမ်​ကိုယ်​စိတ်​ကြိုက် ဖန်တီး​လို့​ရ​တယ်။
အောက်​က​နတ်ပြည်​တွေ​က ကိုယ့်​ကုသိုလ်​ကံ​အလိုက် ဘုံ​ဗိ​မာန် အစ​ရှိ​သ​ဖြင့် ရ​တယ်။
ဒီ​နတ်ပြည်​ကတော့ စိတ်​ကြိုက် ဖန်တီး​ပြီး ခံစား​လို့​ရ​တယ်။
လို​တာ​ထက်​ပို​ပြီး​ခံစား​လို့​ရ​တယ်။
သက်​တမ်း​က နှစ် ​၈​၀​၀​၀ လူ​လို​ဆို ​၂​၃​ဝ​ကုဋေ​၄​သန်း​ရှိ​တယ်။
ကျောင်းတကာ​မ​ကြီး ​ဝိ​သာ​ခါ သေ​တော့ ဒီ​ဘုံ​ကို ရောက်​တယ်။
☆ပ​ရ​နိမ္မိတ​ဝ​ဿ​ဝ​တီ​နတ်ပြည်​က နတ်ပြည် ​၆​ထပ်​မှာ အမြင့်​ဆုံး​ပဲ။
စည်းစိမ်​က​လည်း ကိုယ်တိုင်​တောင်​ဖန်ဆင်း​စရာ​မ​လို​ဘူး။
ကျွန်​အစေအပါး​နတ်​တွေ​က ဖန်ဆင်း​ပေး​တယ်။
သူ​တို့​က လို​တာ​ထက်​ပို​ပြီး ခံစား​ချင်​ရင်တောင် သူ​များ​ဖန်ဆင်း​ပေး​ရ​တယ်။
သက်​တမ်း​က နှစ်​ပေါင်း ​၁​၆​၀​၀​၀ လူ​လို ​၉​၂​၁​သန်း​အထိ ရှည်​ကြာ​တယ်။
မာရ်နတ်​က ဒီ​ဘုံ​မှာ​နေ​တယ်။ အခေါင်​နတ်​မင်းကြီး​တော့ မဟုတ်​ဘူး။
မာရ်နတ်သား​ပဲ။ အခေါင်​နတ်​မင်းကြီး​က ဝ​ဿ​ဝ​တီ​နတ်​မင်းကြီး သပ်သပ်​ရှိ​တယ်။
မာရ်နတ်​ကို စင်​ပြိုင်​လို့​တော့ သတ်​မှတ်​လို့​ရ​တယ်။ သူ့​တပည့်​တွေ​က များ​တာ​ကိုး။
ဗိုလ်​ဆို​လည်း သူပုန်​ဗိုလ်​ပဲ​ဆို​ပါ​တော့။
မာရ်နတ်​က ပုံ​ထဲ​က​လို ရုပ်​ဆိုး​ဆိုး​မဟုတ်​ပါ​ဘူး။
ကာ​မာ​ဝ​စ​ရ​နတ်ပြည် ​၆​ထပ်​မှာ အ​ချော​အ​လှ​ဆုံး​နတ်​တွေ​ထဲ​က တစ်ပါး​ပါ။
အားကြီး​တဲ့ ကုသိုလ်​ကံ​တွေ ပြု​ခဲ့​ဖူး​သူ​ပါ။
ဒီ​လောက်​ဆို မာရ်နတ်​က သိကြားမင်း​ကို ဘာ​လို့ သွား​ပြီး မ​တိုက်ခိုက် မ​သိမ်းပိုက်​သလဲ
သိ​လောက်​ပြီ​ပေါ့နော်။
သူ့​နေရာ​လောက်​မှ စည်းစိမ်​ချမ်းသာ​မ​ရှိ။ သက်​တမ်း​မ​ရှည်​တဲ့​နေရာ​ကို သူ​က​ဘာ​လုပ်​ဖို့​လာ​သိမ်း​မ​လဲ။ မာရ်နတ်​က ဒီ​လောက်​မ​အ​ဘူး​လေ။
​၂ ရဲ့​အဖြေ​ပြီး​ပါ​ပြီ​မာရ်နတ်​ဆို​တာ သံသရာ​လွတ်​ကြော​င်း​က​လွဲ​ရင် ဘာ​လုပ်​လုပ် အ​မြဲ​အကောင်း​မြင်​တယ်။
သံသရာ​လွတ်​ကြော​င်း လုပ်​လို့​ကတော့ နည်း​မျိုး​စုံ​နဲ့​တား​တယ်။
သိ​ဒ္ဓ​တ္ထ​မင်းသား တောထွက်​ချိန်​မှာ​လည်း တား​ခဲ့​တယ်။
ဘုရား​ဖြစ်​ကာ​နီး​ချိန်​မှာ​လည်း လေ​ကြီး​မိုး​ကြီး ပြာ​ပူ​မီး​နဲ့ မှောင်​ကြီး​တစ်​တန်
ဓား​လှံမ​ကြွင်း ပစ်ခတ်​ခွင်း​ပြီး နှောင့်​ယှက်​တယ်။
ဘေး​နား​မှာ​ရှိ​နေ​တဲ့ ဘုရား​ဖြစ်​တာ​နဲ့ ကြိုဆို​မယ့်​သူ​တွေ
ထွက်ပြေး​ကြ​တယ်။
သိကြားမင်း​က ခရုသင်း၊ ဗြဟ္မာ​မင်း​က ထီးဖြူ၊ ပဉ္စ​သိ​င်္ခ​နတ်​မင်း​က ​ဗေ​လု​ဝ​စောင်း။
ကိုယ့်​ပစ္စည်း ဘယ်​နားကျ​န်​မှန်း​တောင်​မ​သိ​အောင် ထွက်ပြေး​ကြ​တယ်။
(တကယ်​တော့ ​ဗေ​လု​ဝ​စောင်း​က မာရ်နတ်​ရဲ့​အပိုင် ဘုရားလောင်း ​၆​နှစ်​လုံး​လုံး
အပြစ်​လုပ်​ရင်​ထောက်​ပြ​ပြီး ပျော်​ပျော်ပါး​ပါး​တီး​ဖို့ ဂျိုင်း​ကြား​ညှပ်​လာ​တာ။
​၆​နှစ်​လုံး အပြစ်​တစ်​ချက်​မှ မ​ရှိ​တဲ့ ဘုရားလောင်း​ကို စိတ်ပျက်​လက်ပျက်
စောင့်​ကြည့်​ရင်း​က ထွက်​ကျနေ​ခဲ့​တာ။ ဒါ​ကို​သိကြားမင်း​က ကောက်​ပြီး ပဉ္စ​သိ​င်္ခ​နတ်​မင်းကို
ပေးလိုက်​တာ ###
^^^ဒီ​နေရာ​မှာ​က ကျမ်း​ညှိ​စရာ​တွေ​များ​တာ​ရယ် ပို့​စ်​နဲ့​လည်း​သိပ်​မ​ဆိုင်​လို့​ဒီ​လောက်​ပါ​ပဲ)
သမီး​တော် သုံး​ယောက်​ရဲ့ အ​လှ​အပ၊ အ​တွေ့​အထိ၊ အမွှေး​နံ့သာ၊ အရက်သေစာ
မျိုး​စုံ​နဲ့ နှောင့်​ယှက်​တယ်။
မရဘူး။
အရုဏ်တက်​ချိန်​မှာ​ပဲ အရ​ဟ​တ္တ​ဖိုလ်​အ​ထွတ်​တပ်​တဲ့ အာသဝေါ​တရား​တို့ အမြစ်​မ​ကျန်
ဖယ်ရှား​ပြီး သဗ္ဗညုတ​ဉာဏ်​ကို ရ​သွား​တယ်။
ဒီ​တော့ သတ္တ​သ​တ္တာ​ဟ ​၄​၉​ရက်​ရဲ့ အလွန် အ​ဋ္ဌ​မ​သ​တ္တာ​ဟ အ​ဇ​ပါ​လ​ညောင်​ပင်​ကို
ဘုရား​နောက်​တ​ဖန် ပြန်​ရောက်​ချိန်​မှာ မာရ်နတ်​က အ​ချို​သပ်​နဲ့ လာ​တောင်းပန်​တယ်။
အရှင်ဘုရား​အနေ​နဲ့ အရ​ဟ​တ္တ​ဖိုလ်​လည်း တိုင်​ပါ​ပြီ​ဘုရား။
အရှင်ဘုရား ပရိနိဗ္ဗာန်​ပြု​ပါ​တော့​လို့ လာ​တောင်းပန်​တယ်။
ဘုရား​က ပြန်ပြော​တယ်။
ငါ​ဘုရား​မှာ ဘိက္ခု၊ ဘိက္ခု​နီ၊ ဥပါသကာ၊ ဥပါ​သိ​ကာ ပရိသတ်
လေး​ပါး​တို့​က တရား​တွေ​ကို
- ပိုင်​ပိုင်နိုင်​နိုင်​မ​ဆောင်ရွက်​နိုင်​ကြ​သေး​ဘူး​ဆို​လျှင်
- သူ​တ​ပါး​ကို မ​ဟောပြော​နိုင်​သေး​ဘူး​ဆို​လျှင်
- ဆန့်ကျင်ဘက်​လာ​ပြော​လို့​မှ မ​နှိမ်​နင်း​နိုင်​သေး​ဘူး​ဆို​လျှင်
ဂုဏ်​အရည်အချင်း​မ​ပြည့်​သေး​သ​ရွေ့
ပရိနိဗ္ဗာန်​မ​ပြု​သေး​ဘူး​လို့ ငြင်း​ခဲ့​တယ်။
မာရ်နတ်​စိတ်ပျက်​ပျက်​နဲ့ ပြန်သွား​တယ်။
ကြား​ကာလ​တွေ​မှာ ကြုံ​ရင်​ကြုံ​သ​လို နှောင့်​ယှက်​တယ်။
ဘုရား​က မာရ်နတ်​အပေါ်​မှာ​ရော ကျန်​သတ္တဝါ​တွေ​အပေါ်​မှာ​ရော မေတ္တာ​ထား​တယ်။
အနှောင့်​အယှက်​တွေ​ကို ဂရု​မ​စိုက်​ပဲ ဆက်လက် တရား​ပြ​တယ်။
သတ္တဝါ​တွေ​အပေါ်​မှာ ကရုဏာ​ထား​ပြီး တရား​ပြ​တယ်။
မာရ်နတ်​နှောင့်​ယှက်​သ​မျှ​ကို ဥပေက္ခာ​နဲ့ ခွင့်လွှတ်​ပေး​ခဲ့​တယ်။
(မာရ်နတ် မ​နှောင့်​ယှက်​နိုင်​အောင် ချုပ်ထား​တာ​ပဲ ဖြစ်​ဖြစ်
မ​လုပ်​ရ​ခြင်း​အကြောင်း နောက်မှ ထင်ရှား​ပါ​လိမ့်​မယ်)
ဘိက္ခု​နီ​သာသနာ​အတွက် မိထွေး​တော်​ဂေါ​တ​မီ​တို့ ကြိုးစား​နေ​ချိန်​မှာ
မာရ်နတ်​မ​နှောင့်​ယှက်​ရ​တဲ့​အကြောင်း​ကတော့ ဘိက္ခု​နီ​သာသနာ​ပေါ်​မှ
ပရိသတ် ​၄​ပါး​စုံ​မယ်။ ဒီပ​ရိ​သတ်​လေး​ပါး​စုံ​ပြီး​မှ ဘုရား​ပရိနိဗ္ဗာန်​ပြု​မှာ​မို့
မ​နှောက်​ယှက်​ခဲ့​တာ​ပါ။
​၃ ရဲ့ အဖြေ​ပြီး​ပါ​ပြီ
ပရိနိဗ္ဗာန်​မ​ပြု​ခင် ​၃​လ အလို​မှာ တစ်​ခါ​လာ​တောင်းပန်​တယ်။
အရှင်ဘုရား အ​ဋ္ဌ​မ​သ​တ္တာ​ဟ​မှာ​ပြော​ခဲ့​တဲ့
ငါ​ဘုရား​မှာ ဘိက္ခု၊ ဘိက္ခု​နီ၊ ဥပါသကာ၊ ဥပါ​သိ​ကာ ပရိသတ် လေး​ပါး​တို့​က
တရား​တွေ​ကို
- ပိုင်​ပိုင်နိုင်​နိုင်​မ​ဆောင်ရွက်​နိုင်​ကြ​သေး​ဘူး​ဆို​လျှင်
- သူ​တ​ပါး​ကို မ​ဟောပြော​နိုင်​သေး​ဘူး​ဆို​လျှင်
- ဆန့်ကျင်ဘက်​လာ​ပြော​လို့​မှ မ​နှိမ်​နင်း​နိုင်​သေး​ဘူး​ဆို​လျှင်
ဂုဏ်​အရည်အချင်း​မ​ပြည့်​သေး​သ​ရွေ့
ပရိနိဗ္ဗာန်​မ​ပြု​သေး​ဘူး​ဆို​တဲ့​စကား မှတ်မိ​ပါ​သလား​ဘုရား။
ယခု​အခါ​တွင် အရှင်ဘုရား​၌
ပရိသတ်​လေး​ပါး​မှာ ဘိက္ခု​ပရိသတ်​သည် ဗုဒ္ဓ​တရား​တော်​ကို ပိုင်​ပိုင်နိုင်​နိုင်​ဆောင်ရွက်​မှတ်သား​၍ သူ​တ​ပါး​တို့​ကို​လည်း ဟောပြော​နိုင်​ပါ​ပြီ။ ဆန့်ကျင်ဘက်​ပြော​လာ​သူ​တို့​ကို​လည်း တရား​သ​ဖြင့်​နှိမ်​နင်း​ပြီး အကျိုးအကြောင်း​နှင့်​တ​ကွ တရား​ကို ဟော​ပြ​နိုင်​ပါ​ပြီ
ပရိနိဗ္ဗာန်စံ​ယူ​ရန် အချိန်​အခါ သင့်​ပါ​ပြီ။ ပရိနိဗ္ဗာန် စံတော်​မူ​ပါ​တော့​ဘုရား။
ဘိက္ခု​နီ​ပရိသတ်​သည် ဗုဒ္ဓ​တရား​တော်​ကို ပိုင်​ပိုင်နိုင်​နိုင်​ဆောင်ရွက်​မှတ်သား​၍ သူ​တ​ပါး​တို့​ကို​လည်း ဟောပြော​နိုင်​ပါ​ပြီ။ ဆန့်ကျင်ဘက်​ပြော​လာ​သူ​တို့​ကို​လည်း တရား​သ​ဖြင့်​နှိမ်​နင်း​ပြီး အကျိုးအကြောင်း​နှင့်​တ​ကွ တရား​ကို ဟော​ပြ​နိုင်​ပါ​ပြီ
ပရိနိဗ္ဗာန်စံ​ယူ​ရန် အချိန်​အခါ သင့်​ပါ​ပြီ။ ပရိနိဗ္ဗာန်
စံတော်​မူ​ပါ​တော့​ဘုရား။ဥပါသကာ​ပရိသတ်​သည် ဗုဒ္ဓ​တရား​တော်​ကို ပိုင်​ပိုင်နိုင်​နိုင်​ဆောင်ရွက်​မှတ်သား​၍ သူ​တ​ပါး​တို့​ကို​လည်း ဟောပြော​နိုင်​ပါ​ပြီ။ ဆန့်ကျင်ဘက်​ပြော​လာ​သူ​တို့​ကို​လည်း တရား​သ​ဖြင့်​နှိမ်​နင်း​ပြီး အကျိုးအကြောင်း​နှင့်​တ​ကွ တရား​ကို ဟော​ပြ​နိုင်​ပါ​ပြီ
ပရိနိဗ္ဗာန်စံ​ယူ​ရန် အချိန်​အခါ သင့်​ပါ​ပြီ။
ပရိနိဗ္ဗာန် စံတော်​မူ​ပါ​တော့​ဘုရား။
ဥပါ​သိ​ကာ​ပရိသတ်​သည် ဗုဒ္ဓ​တရား​တော်​ကို ပိုင်​ပိုင်နိုင်​နိုင်​ဆောင်ရွက်​မှတ်သား​၍ သူ​တ​ပါး​တို့​ကို​လည်း
ဟောပြော​နိုင်​ပါ​ပြီ။ ဆန့်ကျင်ဘက်​ပြော​လာ​သူ​တို့​ကို​လည်း တရား​သ​ဖြင့်​နှိမ်​နင်း​ပြီး အကျိုးအကြောင်း​နှင့်​တ​ကွ တရား​ကို
ဟော​ပြ​နိုင်​ပါ​ပြီ​ပရိနိဗ္ဗာန်စံ​ယူ​ရန် အချိန်​အခါ သင့်​ပါ​ပြီ။
ပရိနိဗ္ဗာန် စံတော်​မူ​ပါ​တော့​ဘုရား။
ဒီ​လို​မျိုး ပြည်​စုံ​ပုံပြ​ပြီး ပရိနိဗ္ဗာန်စံ​ဖို့ လျှောက်​တယ်။
ဒီ​တော့ ဘုရား​ပရိနိဗ္ဗာန်စံ​ဖို့ လာ​လျှောက်​တာ ဒီ​မာရ်နတ်​ပါ​ပဲ။
ဘုရား​ပရိနိဗ္ဗာန်စံ​မယ့်​ကိစ္စ​က ဘုရား​ရဲ့​ကိစ္စ​သာ​ဖြစ်​ပါ​တယ်။
ဘယ်​သူ​စံ​ခိုင်း​လို့​မှ​လည်း မဟုတ်​ပါ​ဘူး။
ဒီ​အချိန်​မှာ ဘုရား​ရဲ့​သက်​တော်​ဟာ ​၈​ဝ​အတွင်း​ကို
ချဉ်း​နင်း​ဝင်​ရောက်​နေ​ပြီ။၈​၀ ပြည့်​ဖို့ ​၃​လ​ပဲ လို​တော့​တယ်။ ဘုရားရှင်​တိုင်း​ဟာ သက်​တမ်း​ရဲ့ ​၅​ပုံ ​၄​ပုံ​မှာ​ပဲ ပရိနိဗ္ဗာန်စံ​လေ့​ရှိ​တယ်။
ဘုရားရှင်​ရဲ့ ပစ္ဆိမ​သာဝက​ဖြစ်​တဲ့ သု​ဘ​ဒ္ဒ​ပ​ရ​ဗို​ဇ်​က​လည်း​နောက်​သုံး​လ​နေ​မှ ဉာဏ်​ရင့်​မယ်။တရားဟော​လို့​ရ​မယ်။လွန်​ခဲ့​တဲ့ ​၇​လ​တုန်း​က
သေ​လောက်​တဲ့ သွေး​ဝမ်း​သွန်​ရောဂါ​ကို အာ​ယု​ပါ​လ​က​ဖ​လ​သ​မာ​ပတ်​နဲ့
​၁​၀ လတာ​ထိန်း​တာ​က​လည်း နောက်​သုံး​လ​ဆို ပြည့်​ပြီ။
ပရိနိဗ္ဗာန်စံ​ယူ​လောက်​အောင် ပြင်းထန်​တဲ့ သွေး​ဝမ်း​သွန်​ရောဂါ​ဟာ​လည်း ပြန်​ပေါ်​တော့​မယ်။
ပြန်​ပေါ်လာ​တဲ့ ရောဂါ​ကို အာ​ယု​ပါ​လ​က​ဖ​လ​သ​မာ​ပတ်​နဲ့ ပြန်​ထိန်း​ချင်​လည်း​ရ​တယ်။မ​ထိန်း​တော့​ပဲ အနု​ပါ​ဒိ​သေ​သ ပရိနိဗ္ဗာန်​ဝင်​စံ​လိုက်​လည်း​ရ​တယ်။
အရ​င်​က ဖ​လ​သ​မာ​ပတ်​သုံး​ပြီး​ရောဂါ​ကို​ထိန်း​တာ​ဟာ ပစ္ဆိမ​သာဝက​ကို
တရားဟော​ဖို့ မ​မီ​မှာ​စိုး​လို့။အခု​က​ပစ္ဆိမ​သာဝက​ကို​တရားဟော​မီ​တဲ့​အတွက် မ​ထိန်း​တော့​ဘူး ပရိနိဗ္ဗာန်စံ​တော့​မယ်။ဒီ​တော့ ဘုရား​ပရိနိဗ္ဗာန်စံ​တာ မာရ်နတ်​ကြောင့်​လည်း မဟုတ်​ဘူး သူ​ကရ​မ​ဒ္ဒ​ဝ​ကြောင့်​လည်း​မဟုတ်​ပါ​ဘူး။
(သူ​ကရ​မ​ဒ္ဒ​ဝ​ကို ဝက်သား​မဟုတ်​ကြော​င်း ကျမ်း​များ​စွာ​တို့​မှာ
ရှင်းလင်း​ထား​တာ​တွေ့​ရ​ပါ​တယ်။ ပို့​စ်​နဲ့​မ​ဆိုင်​လို့ မ​ရေး​တော့​ပါ​ဘူး)
မာရ်နတ်​က​လည်း လာ​လာ​နှောင့်​ယှက်​နေ​တာ ဒီ​တစ်​ယောက်​တည်း​ပါ။
ပရိနိဗ္ဗာန်​မ​စံ​ခင် ​၁​ဝ​လ အလို (အာ​ယု​သ​ခါ​ၤ​ရ​မ​လွှတ်​ခင် ​၇​လ အလို) ကတည်းက​ပရိနိဗ္ဗာန်စံ​စရာ ရောဂါ​ဝေဒနာ သွေး​ဝမ်း​သွန်​မှု ဖြစ်​နေ​ပြီး​ဖြစ်​ပါ​တယ်။အချိန်​တန်​ပြီ​မို့ ပရိနိဗ္ဗာန်စံ​ကြော​င်း သိ​လောက်​ပါ​ပြီ။
​၄​နဲ့ ​၅ ရဲ့ အဖြေ ပြီး​ပါ​ပြီ
[[သူ​ကရ​မ​ဒ္ဒ​ဝ​ဟာ သွေး​ဝမ်း​သွန်​စေ​ခဲ့​တာ​မဟုတ်​ပဲ
သွေး​ဝမ်း​သွန်​လို့ လျော့​သွား​တဲ့​အာဟာရ၊
ဆုတ်ယုတ်​သွား​တဲ့​ခွန်အား​တွေ​ကို ပြန်လည်​ဖြည့်တင်း​ပေး​ခဲ့​တာ​ပါ။
အကယ်၍​သာ သူ​ကရ​မ​ဒ္ဒ​ဝ​ကို ကြိုတင်​မှီဝဲ​ထား​ခြင်း​မ​ရှိ​ရင်
သွေး​ဝမ်း​သွန်​ပြီး​ချက်ချင်း​တောင်​ပရိနိဗ္ဗာန်စံ​သွား​နိုင်​ပါ​တယ်။
ခု​တော့ သူ​ကရ​မ​ဒ္ဒ​ဝ​ရဲ့​အာဟာရ​က
ကု​သိ​နာ​ရုံ​အထိ​ခြေကျင်​ကြွ​သ​သွား​နိုင်​ပါ​သေး​တယ်။
သူ​ကရ​မ​ဒ္ဒ​ဝ​ကို သုံးဆောင်​မိ​လို့ အာဟာရ​ရှိ​ပြီး နေ​နိုင်​တာ​ကို သူ​ကရ​မ​ဒ္ဒ​ဝ​ကြောင့်​သွေး​ဝမ်း​သွန်​တယ်​ထင်​ရင်​တော့ မှား​ပါ​လိမ့်​မယ်။
ဒီ​သူ​ကရ​မ​ဒ္ဒ​ဝ​ဟာ ဘုရား​မ​ဖြစ်​ခင် အာဟာရ​ဖြည့်တင်း​တဲ့ သု​ဇာတာ​ရဲ့ ဃ​နာ​နို့​ဆွမ်း​လို​ပဲ​အကျိုး​ကျေးဇူး​ကြီးမား​ကြော​င်း​ပြော​ခဲ့​ပါ​တယ်။ ]]
ဒီ​တော့ အကြောင်း​စုံညီ​နေ​ပြီ​ဖြစ်​တဲ့​နောက် ​၃​လ​ကို ဘုရား​ပရိနိဗ္ဗာန်စံ​တော့​မှာ​ဖြစ်​လို့​မာရ်နတ်​က ပရိနိဗ္ဗာန်​ပြု​ဖို့ လာ​လျှောက်​ချိန်​မှာ ဘုရား​က -မာရ်နတ်​ရေ ငါ​ဘုရား​ပရိနိဗ္ဗာန်​ပြု​မယ့်
ကိစ္စ​မှာ မင်း​ကြောင့်ကြ​စိုက်​မ​နေ​နဲ့​တော့
နောက် ​၃​လ​နေ​ရင် ငါ​ဘုရား ပရိနိဗ္ဗာန်​ပြု​တော့​မယ်။
ဒီ​လို​ပြော​ပြီး အာ​ယု​သ​ခါ​ၤ​ရ​ကို​လွှတ်လိုက်​ပါ​တော့​တယ်။
ဒီ​လို အာ​ယု​သ​ခါ​ၤ​ရ​ကို လွှတ်လိုက်​တဲ့​အခါ​မှာ ကြောက်​စရာ​ကောင်း​ကြက်သီး​မွေး​ညှင်း
ထ​လောက်​အောင် မြေ​ငလျင်​အကြီး​အကျ​ယ်​လှုပ်​တယ်။
မိုး​တွေ​ချုန်း လျှပ်​စီး​တွေ လက်​တယ်။
မြတ်​စွာ​ဘုရား​ကိုယ်တော်​တိုင်​တော့ ပရိနိဗ္ဗာန်​ပြု​ဖို့ နီး​ကပ်​ပြီ​မို့
နှစ်သက် ဝမ်းမြောက်​တဲ့ ပီ​တိ​နဲ့ ဥဒါန်းကျူး​တော်​မူး​ပါ​သေး​တယ်။
ဥဒါန်း --
လောက​သုံး​ဘုံ အလုံး​စုံ​ကို အကုန်​သိမြင် ဘုရားရှင်​သည် အကျိုး​တရား အစားစား​၏ ဖြစ်ပွား​ရာ​လည်း​ဖြစ်​ထ​သော အသစ်​တ​ဖန် ဘဝ​ကို​စီမံ​တတ်​သည်​လည်း ဖြစ်​ထ​သော ချိန်ခွင်​ပမာ​ဉာဏ်​ပညာ​ဖြင့် ကောင်း​စွာ​ပိုင်​ပိုင် မ​ချိန်​နိုင်​သော မဟဂ္ဂုတ်​ကံ​ကို​လည်းကောင်း မဂ်​အရ​ဟ​တ္တ ရ​တုံး​က​ပင် လုံး​ဝ​မ​ငဲ့ စွန့်​လွှတ်​တော်​မူ​ခဲ့​ပြီ၊ သူရဲကောင်း​ကြီး​သည် စစ်ဝတ်​တန်ဆာ​ကို ဖျက်ဆီး​လိုက်​သကဲ့သို့ ထို့​အတူ မိမိ​သန္တာန်​၌​မွေ့လျော်​တော်​မူ​သော ဗုဒ္ဓ​မြတ်​စွာ​သည် မိမိ​သန္တာန်​၌ အဖန်ဖန်ဖြစ်​သော​ကိလေသာ​ကို ဖျက်ဆီး​တော်​မူ​ပြီ။
လင်္ကာ ။ ။ ​မု​နိ ​ထွ​ဋ်​တင် ဘုရားရှင်​သည် များ​ဖြ​င်​အ​ချိုး အမျိုး​မျိုး​ဟု ကောင်း​ဆိုး​နှစ်​ပြင် ပေး​စွမ်း​အင်​ကို ချိန်ခွင်​ပမာ ဉာဏ်​ပညာ​ဖြင့် ကောင်း​စွာ​လှ​လှ ချိန်​၍​ရသ​ည့် တု​လ​မည်​ငြား ကာ​မာ​ဝ​စ​ရ​ကံ တရား​ကို​လည်းကောင်း ချိန်ခွင်​ပမာ ဉာဏ်​ပညာ​ဖြင့် ကောင်​စွာ​ပိုင်​ပိုင် မ​ချိန်​နိုင်​မှု အကြောင်းပြု​၍ အတု​လ​မည်​ငြား မဟဂ္ဂုတ်​ကံ​တရား​ကို​လည်းကောင်း ။မဂ် အရ​ဟ​တ္တ ရတု​န်း​က​ပင်
လုံး​ဝ​မ​ငဲ့ စွန့်​လွှတ်​ခဲ့​၍ တ​က​ယ့်​စစ်​ပွဲ နိုင်​အောင်​နွှဲ​သည့် သူရဲ​ခေါင်အုပ် စစ်ဗိုလ်​ချုပ်​သည် ဖွဲ့​တုပ် စစ်ဝတ် အားလုံး​ချွတ်​သို့ ဝဋ်​ကိလေသာ အ​ဖြာ​ဖြာ​ကို ကောင်း​စွာ ဖျက်ဆီး အားလုံး​ပြီး​သည် .....
အေး​ကြီး အေး​ရ​ပြီ တကား။
မြတ်​စွာ​ဘုရား ဥဒါန်းကျူး​သ​လို​ပဲ မာရ်နတ်​က​လည်း ပျော်​ပြီး
ထွက်​သွား​တယ်။ဒီ ​၃​လ​အတွင်း​မှာ အရှင်​သာ​ရိ​ပု​တ္တ​ရာ​နဲ့
အရှင်​မော​ဂ္ဂ​လာ​န် အဂ္ဂသာဝက​ကြီး ​၂​ပါး​ရှေ့​ဆင့်​နောက်​ဆင့် ပရိနိဗ္ဗာန်​ပြု​ကြ​ပါ​တယ်​ည အရှင်​မော​ဂ္ဂ​လာ​န်
ကိုယ်တော်​မြတ်​ကြီး ပရိနိဗ္ဗာန်​မ​ပြု​ခင် အခါတပါး​က
တစ်​ကိုယ်တည်း နေ​နေ​တုန်း မာရ်နတ်​က ဝမ်း​ထဲ​ကို ဝင်​ရောက်​နှောင့်​ယှက်​တယ်။
မထေရ်​မြတ်​ဝမ်း​က မသာ​မ​ယာ​ဖြစ်လာ​လို့ အစာ​အာဟာရ​ကြောင့်​လား​ဆို​ပြီး
လမ်း​ထ​လျှောက်​တယ်။ တန်ခိုး​တော်​နဲ့​လည်း ကြည့်​တယ်။
ဒီ​တော့​မှ မာရ်နတ်​ဝင်​နေ​တာ​သိ​ပြီး မာရ်နတ်​ကို ထွက်​ခိုင်း​တယ်။
မာရ်နတ်​က ငါ့ကို​မြင်​သွား​ပြီ​ဆို​ပြီး ဝမ်း​ထဲ​က ထွက်​လာ​ရ​တယ်။
တန်ခိုးပြ​င်း​ထန် အရှင်​မော​ဂ္ဂ​လာ​န်​ရဲ့​စကား​ကို အာ​ခံ​ဖို့​လည်း မ​ဖြစ်​နိုင်​ဘူး။
အပြင်​ထွက်​ပြီး​ခပ်​လှမ်း​လှမ်း​မှာ ကိုယ်​ဖျောက်​ရပ်​နေ​တယ်။
အရှင်​မော​ဂ္ဂ​လာ​န်​က မင်းကို ငါ​မြင်​ရ​သေး​တယ်​လို့​ပြော​ပြီး
ဒီ​မယ်​မာရ်နတ် ငါ​လည်း အရ​င်​ကမာ​ရ်​နတ်​ဖြစ်​ခဲ့​ဖူး​တယ်။
ဒီ​တော့​မာရ်နတ် စိတ်ဝင်စား​သွား​တယ်။
ငါ့​ရဲ့​နာမည်​က အဲ့​ဒီ​တုံး​က ဒု​ဿီ​လို့​ခေါ်​တယ်။
အဲ့​တုန်း​က ငါ့​နှမ​ဟာ အခု မင်း​အမေ​ပဲ။
ဒီ​တော့​မင်း​နဲ့​ငါဟာ တူ​အရီး​တော်​တယ်။
ဒီ​လို​ပြော​လိုက်​တော့ မာရ်နတ် သူ့​ဦး​လေး​မှန်း​လည်း​သိ​သွား​ရော
နှလုံးသား​က နူးညံ့​ပျော့​ပြောင်း​သွား​တယ်။
ဒီ​အချိန်​မှာ​မှ မထေရ်​မြတ်​က ငါ​မာရ်နတ်​ဖြစ်​ခဲ့​တုန်း​က​လည်း
ဘုရား​နဲ့ သံဃာ​တွေ​ကို​စော်ကား​ခဲ့​လို့ စု​တိ​ပြတ်​ကြွေ​သေလွန်​တဲ့​အခါ
အ​ဝိ​စိ​ငရဲ​ကို ကျ​ဆင်း​ခံ​ခဲ့​ရ​တယ်။ မင်း​လည်း ဘုရား​နဲ့ သံဃာ​တွေ​ကို
ဆက်​ပြီး​ပြစ်​မှား​နှောင့်​ယှက်​နေ​ဦး​မယ်​ဆို​ရင် ငါ့​တုန်း​က​လို​ပဲ
အပယ်​ကျ​လိမ့်​မယ်​လို့ ရှင်း​ပြ​လိုက်​တယ်။
မာရ်နတ် အသိ​တရားဝင်​သွား​တယ်။
သူ​ဒီ​အတိုင်း​ဆက်​သွား​ရင် ငရဲ​ကျ​မှာ​လည်း​ကြောက်​လာ​တယ်။
သူ​မှား​ခဲ့​သ​မျှ​ကို​လည်း နောင်တရ​လာ​တယ်။
သတ္တဝါ​တွေ သံသရာ​ဝဋ်​က မ​လွတ်​အောင်သူ​ကြိုးစား​ခဲ့​တာ​တွေ​ကို
နောင်တရ​ပြီး အရှင်​မော​ဂ္ဂ​လာ​န်​ရဲ့​တရား​တို​တို​လေး​နဲ့ မဂ်​ဉာဏ်​ဖိုလ်​ဉာဏ်
ရ​လောက်​ပါ​ရဲ့​နဲ့ သာဝက​ဗော​ဓိ​ဉာဏ်​မ​ယူ​တော့​ပဲ။
သတ္တဝါ​တွေ​ကို​ပါ သံသရာ​ဝဋ်​က ခေါ်​ထုတ်​နိုင်​တဲ့ သမ္မာ​သ​မ္ဗော​ဓိ​ဆု​ကို ပန်​ခဲ့​တယ်။
ပြီး​တော့​သူ​နေ​တဲ့ ပ​ရ​နိမ္မိတ​ဝ​ဿ​ဝ​တီ​နတ်ပြည်​ကို ပြန်သွား​ခဲ့​ပါ​တယ်။
ပါရမီ​ပေါင်း​များ​စွာ​ဖြည့်​ကျင့်​ပြီး လောက​သတ္တဝါ​တွေ​ကို ဘုရား​တစ်​ဆူ​အနေ​နဲ့
ချေ​ချွတ်​ပါ​လိမ့်​ဦး​မယ်။
လက်​ရှိ​တော့ ဝ​ဿ​ဝ​တီ​နတ်ပြည်​မှာ​ပါ။
​၆ ရဲ့ အဖြေ​ပြီး​ပါ​ပြီ
ဘုရား​ကမာ​ရ်​နတ်​ကို မ​နှောင့်​ယှက်​အောင်​ချုပ်ထား​တာ​ပဲ​ဖြစ်​ဖြစ်
ဘာ​လို့​တစ်​ခု​ခု မ​လုပ်​သလဲ​ကို သိ​လောက်​ပါ​ပြီ။
သူ့​ဦး​လေး​ဟောင်း​က ဆုံးမ​မှ ရ​မှာ​ကြောင့်​က​တစ်​ကြော​င်း
တန်ခိုး​နဲ့​ဆုံးမ​ရင် မာ​စ်​နတ်က မ​နိုင်​မှန်း​သိ​လည်း သူ​ချ​ကိုယ်​ချ​ကွာ​ဆို​ပြီး
ပြန်​ချ​နေ​ရင် အကျိုးယုတ်​မှာ စိုး​တာ​ကြောင့်​က​တစ်​ကြော​င်း
ဘုရားဆုပန်​မယ့် ဆန္ဒ​ဖြစ်​ဦး​မယ့် ဥ​ပ​နိ​ဿ​ယ​ကို မြင်​တာ​က တစ်​ကြောင့်
စ​တာ​တွေ​ကြောင့် အစော​ပိုင်း နှောင့်​ယှက်​သ​မျှ​ကို မေတ္တာ၊ ကရုဏာ၊ ဥပေက္ခာ​တွေ​နဲ့
သည်းခံ​ခဲ့​တာ​ပါ။
​၇ ရဲ့ အဖြေ ပြီး​ပါ​ပြီ
မာရ်နတ်​ကို​အရှင်​မော​ဂ္ဂ​လာ​န်​ဆုံးမ​နိုင်​ခဲ့​တဲ့​အတွက် အရှင်​ဥ​ပ​ဂုတ်​ဆုံးမ​တယ်​ဆို​တာ​လုံး​ဝ မ​ဖြစ်​နိုင်​တော့​ပါ​ဘူး။ နောက်​တစ်​ချက်​က အရှင်​ဥ​ပ​ဂုတ်​ဆို​တာ
မဟာ​ယာ​န အနွယ်​ဝင် စိတ်ကူး​ယဉ်​ဇာတ်​လမ်း​တစ်​ပုဒ်​ပါ။
​၈ ရဲ့ အဖြေ ပြီး​ပါ​ပြီ​တစ်​ခါ​က စွန်း​လွန်း​ဆရာတော်​ကြီး​ကို ပရိနိဗ္ဗာန်​ပြု​ဖို့ နတ်​တစ်ပါး​က လာ​လျှောက်​ဖူး​တယ်။
အရှင်ဘုရား အာ​ယု​သ​ခါ​ၤ​ရ​လွှတ်​ပါ​တော့ ဘုရား​တဲ့
ဆရာတော်​ကြီး​က မ​လွှတ်​ဘူး​ကွာ​ဆို​ပြီး​ငေါက်​ထုတ်​လိုက်​တော့
သတ္တဝါ​တွေ​တော့ အကျွတ်တရားရ​ကြ​လိမ့်​ဦး​မယ်​ကွာ​ဆို​ပြီး
စိတ်ပျက်​လက်ပျက် ပြန်သွား​တယ်​တဲ့။
ဆရာတော်​ကြီး​ဘေး​နား​က တပည့်​တွေ​က အဲ့​ဒါ​မာရ်နတ်​ဖြစ်​လိမ့်​မယ်​လို့​ပြော​တော့
ဆရာတော်​ကြီး​က အဘိ​ညာဉ်​နဲ့ လိုက်​ကြည့်​ပြီး​ပြန်ပြော​တယ်။
မာရ်နတ်​မဟုတ်​ဘူး​ကွ။ အောက်​က​နတ်​သေး​နတ်​မွှား​လေး​ပါ​ပဲ
မာရ်နတ်​ကြီး​က လိမ္မာ​နေ​ပါ​ပြီ​ကွာ တဲ့

ကိုး​ကား​သော​ကျမ်းစာ​အုပ်​များ>>>>>

(၁) မဟာ​ဂန္ဓာရုံ​ဆရာတော်​ရဲ့ နောက်ဆုံး​ဆယ်​လ​မြတ်​ဗုဒ္ဓ
(၂) မင်း​ကွန်း​ဆရာတော်​ကြီး​ရဲ့​မဟာ​ဗုဒ္ဓ​ဝင်
(၃) ကျီး​သဲ​လေး​ထပ်​ဆရာတော်​ရဲ့ ဇိန​တ္ထ​ပကာ​သ​နီ
(၄) တည်​တော​ဆရာတော်​ရဲ့ ဗုဒ္ဓ​ဝါဒ​ဆိုင်​ရာ​အမေး​အဖြေ​များ
(၅) စွန်း​လွန်း​အမေး​အဖြေ​များ​နဲ့
(၆) ဒေါက်​တာ​မင်း​တင်​မွန်​တက္ကသိုလ်​အဘိ​ဓ​မ္မာ​ပေါင်းချုပ်
ရေးသား​ပူဇော်​သူ >> အကုသလ​ပု​တ္တ
နှလုံးသား အာဟာရ​မှ ကူး​ယူ​ပါ​သည်..။